戀戀奇緣(Luân-luân kî-iân) 日期:20170805
Tse 是一 ê 校園 ê 美麗愛情故事，tī teh 高中學校內底 ê 社團發生 ê tāi-tsì。
「你敢有對這 ê 台語文學社有興趣，我足想 beh 加入去看māi neh!」阿蘭 teh kā 伊 ê 好朋友阿芳講。
「按呢 oo! 我 tú-tú-á 好 mā 真有興趣 neh! Ah 無 lán 就加入去 ah!」阿芳講 kah 目睭 teh siám-sih。
「逐家好，我是台語文學社 ê 社長，歡迎 lín 來參加這 ê 社團oo! Lán 會辦足 tse 活動 kap 讀書會，lín lóng 會當來，只是愛買讀書會ê 冊，tsing-tsha 1 個月讀 1 本。到 sî-tsūn 若 beh 訂冊 tsiah交錢 hōo 我就好。 」社長講 kah tshuì-kak tsuân pho!
「按呢聽 -- 起 - 來 kái-sîng buē-bái oo! 社長，我叫做阿芳，我想 beh 參加 lín 這 ê 文學社， 我對 tse ū 興趣 oo! 」阿芳講 kah 足大聲，害人驚驚 --tio̍h。
「阿芳，你 thâu-tú-á 講話講 kah siūnn 大聲，害 pat-lâng tshuah--tio̍h。我就知影你對tse 有興趣，所以我 tsiah tshuā 你來--ah! 」阿蘭講 kah tsiânn 歡喜 ê 款。
「多謝你--oo! 我感覺加 tse 台語讀書會，tī 我 ê 高中生活內底會加足精彩--ê，感謝你--lah!」阿芳講 kah kái-sîng 得獎 kâng-khuánn，喙是笑 kah 開開開。
「好，tsit-má 社團紹介 liáu--ah! Lán 後禮拜五見面 oo!」社長是一 ê 對台語文學 tsiok 有心 ê 人，伊想beh hōo 逐家會當接觸tsiânn tsē 小說 iah sī 散文 ê 冊。
Hit ê 社長是二年 ê 學生，mā sī 阿芳 kap 阿蘭 ê 學長，伊 ê 人生做足緣投， jî-tshiánn講話 koh tsiânn gâu 講，bē-su是一 ê 老師 kâng-khuánn.
「Eh! 我足期待後禮拜 ê 活動，會當聽學長講冊 ê 內容， 想著 tse，心就 it-ti̍t put-put-thiàu。」阿芳講 kah 面 lóng 紅去--ah!
「阿芳，你……kah-ì 學長 oo! 你 kan-tann 看過伊一 擺 niā niā，就 sannh--tio̍h伊--ah oo!」阿蘭講 kóng koh 愛笑。
「Hènn--ah! 我感覺伊 tsiânn gâu 講話 koh 足緣投 --ê，看著伊，我 ê 心就 phi̍h-pho̍k-tsháinn。」阿芳講 kah 實在足pì-sù--ê.
「Aih，m̄-koh 學長 kài-sîng 有 kah-ì ê 人--ah neh!」阿蘭細聲 kā 阿芳講。
「今仔日，lán beh 來讀這篇 ---愛情 ê 力量，lán 先讀看 māi，小等--ê beh來練習寫作 oo!」這 ê 時陣是台語文學社 ê 社團時間，學長講 kah teh 偷笑。
「Ha̋nn? Koh有寫作oo!學長，你頂 kài 紹介 thài-ē 無講著--ah!」阿芳án-na 想就毋著--leh!
（Tē 2 pha）
「Tse 是我寫 ê 社團計畫內底 ē 一 ê 活動--lah! 愛先hōo 你入來 khah 會 kā lín 講--ah!」學長講 kah hiông-hiông 笑 kah 足大聲。
「學長你叫 siánn-mi̍h名 ah? 我到 tsit-má lóng 毋知!」阿芳 it-ti̍t 看社長 ê 目睭。
「Ooh! 我叫著阿金，lín 會當叫阿金學長 oo!」阿金 ná 講 話 ná teh食飯。
「我是m̄ 是 kā 你 kiáu-jiáu ah?你 teh 食飯就好好仔食，我 kap 阿蘭先出去 tsit--ê oo!」阿芳這時就出門 beh 去 hām阿蘭買物件。
「Eh! 阿蘭，我知影學長叫做阿金，我有當時仔講話會小可 pì-sù!」阿芳規 ê 面 iū-koh 紅去--ah!
這 ê 時陣，阿芳看著阿金學長teh hām 一 ê 查某 gín-á 講話，koh 講 kah 喙笑目笑!
「阿蘭--ah! 你向 tò-pîng 看一--ê，hit ê kap 學長講話 ê 人是啥人--ah?」阿芳開始 teh 食醋--ah!
「Ooh! Hit ê 人就是阿金學長teh kah-ì ê 人，伊是學姊--lah!」阿蘭看著阿芳親像 teh uàn-tòo。
這 ê 時陣，阿芳 ê 目屎 suî lìn--lo̍h-lâi，心肝是足毋甘願，伊 kah-ì ê 人是學姊。有一工，阿芳行 --leh 行 --leh，tú-tú-á 好 tī uat-kak ê 雜細店tú-tio̍h 學長。
伊一 ê 看著學長就 hàu 出來--ah! 因為學長愛 ê 人毋是伊，是 hit ê 學姊。
「你是按怎thài-ē teh hàu--neh?敢會當 kā 我講?」阿金看著伊 ê 朋友 teh hàu，伊 mā 足毋甘--ê。
「阿金學長，我會當問你一件tāi-tsì 無?」阿芳 hàu 一 --ê ah，hiông-hiông puh 出這句話。
「好--ah! Hōo 你問--ah!請講!」阿金看伊 ê目睭講話。
「你是 m̄ 是 teh kah-ì hi̍t ê 學姊? 伊敢是你 ê 女朋友?」阿芳細聲 teh 問阿金，驚hō͘ 人聽著。
「Gún 已經無鬥陣--ah! Tsit-má 只是朋友 niā niā，是按怎會問這種問題neh?」阿金其實講 kah teh 傷心。
阿芳聽著伊講按呢，心情足好--ê，因為tsit-má 學長無女朋友。
「阿金學長，我足 kah-ì 你 --ê，你敢會當接受我 neh?」阿芳講 kah 目睭 teh siám-sih.
「好 --ah! Lán 就做伙 lah! 」學長講kah 微微仔笑。
Hit ê 阿芳毋敢相信講，伊愛 ê 人會答應伊做伊 ê 女朋友，是歡喜kah 睏bōe去。
隔工透早，阿芳 kā 阿蘭講伊已經做學長 ê 女朋友 ê tāi-tsì，阿蘭聽著真正thè 伊 ê 好朋友感覺有夠讚。M̄-koh 這 ê 時陣，mā有一 ê teh kah-ì 學長 ê 查某 gín-á，teh kah-ì阿金學長，伊叫做阿花，伊看著學長teh hām 阿芳做伙是足受氣--ê，就想 beh tshòng-tī 彼 ê 伊討厭 ê 阿芳。
「阿芳，等 --ê 你下課 liáu-āu，過來學校 ê 後門 hiah tshuē 我，我有 tāi-tsì beh kā 你講!」阿花 ê 氣口無啥好，bīn-tshiun mā 無啥好看。
「Ooh! 好，我知影--ah!」阿芳這時無發現伊 beh hông 人食生跤。
Tú-á 好阿金行過 hit tiâu in teh 講話 ê 巷仔口，suah hōo 伊聽著，知影阿芳可能有危險，就想 beh 保護伊。
下課 liáu-āu，阿芳真正聽 hit ê 阿花 ê 話。來到後門tsia等阿花。阿金知影有可能會出 tāi-tsì，想 beh 保護伊，就趕緊tsông-khì 後門 ê uat-ka̍k hiah。
「你搶走我 kah-ì ê 人，你是想 beh 按怎 ah?」阿花 ê bīn-tshiunn 足歹看 --ê。
「無--lah! Ah 無，你是想 beh tshòng 啥--lah! 」阿芳 tú-tú-á 講 suah，阿金就走去 giú 阿芳 ê 手趕緊 suan--ah!
阿金害阿花驚 tsit-tiô，後來就毋敢 koh 對阿芳做歹tāi-tsì ah! 這對男女 piàn-tsò 這 ê 校園美麗 ê 話題，逐家 lóng 知影 in ê 故事，人人 lóng 欣羨 --in。其實阿金學長是交往 liáu khah 愛著阿芳，因為伊 ê 個性真善良， mā sī 足好笑神。阿金伊mā接受這馬 ê 家己。
後來， in 3年後，傳來一件喜事，就是 in 結婚 ah! 逐家 lóng 真心祝福 in neh! Mā tsiânn-tsò 一 ê 傳奇 ê 故事!